சஹாரா தமிழ்: வரலாறு

ads

வரலாறு லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
வரலாறு லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

சனி, 22 ஆகஸ்ட், 2015

மாவீரன் திப்புசுல்தான்:இந்திய விடுதலைப் போரின் உயிர்நாடி (1750 - 1799)


                                                திப்பு சுல்தான் (1750 - 1799)

திப்பு சுல்தான் 1787 ஆம் ஆண்டு தனது ஆட்சியின் கொள்கைகள் சிலவற்றைப் பிரகடனம் செய்தார். அவற்றை வரி தவறாமல் வாசித்து, வரிகளுக்குள் பொதிந்து கிடக்கும் கருத்துகளின் ஆழ அகலங்களை ஆய்வுசெய்து பார்த்தால் திப்புவின் ஆட்சித் திறனும் அரசியல் மேன்மையும் வெளிப்படும். “பிற மதங்களிடம் சகிப்புத் தன்மையே புனித குரானின் அடிப்படைக் கோட்பாடு. மத விஷயங்களில் நிர்ப்பந்தம் என்பதே கூடாது; அவரவர் விருப்பத்தை மதிப்பதே புனித குரானின் வாக்கு; பிற மதங்களின் விக்ரகங்களை அவமதிக்காதீர்; பிற மதத்தினருடன் வாதம் புரியக் கூடாது எனக் கட்டளையிடுகிறது புனித குரான். மனிதர்கள் தங்கள் நற்காரியங்களில் ஒருவருக்கொருவர் உதவிக்கொள்வது அவசியம்; நமக்கொரு நல்ல மார்க்கம் வழங்கப்பட்டுள்ளது.

“அல்லா விரும்பியிருந்தால் எல்லோரையும் ஒரே இனமாகவே படைத்திருப்பார். எனவே, ஒருவர் மற்றவர் நற்காரியங்களுக்காகத் துணை புரியுங்கள் என்கிறது திருமறை. எங்களுக்கு ஓர் இறைவனைக் காட்டப்பட்டுள்ளார். உங்கள் இறைவனும் எங்கள் இறைவனும் ஒருவரே. அவரிடம் சரணடைவோம் என உபதேசிக்கிறது திருக்குரான். “மதப் போர்வையில் சிலர் இறைவனின் சாம்ராஜ்ஜியத்தில் அத்துமீறி நுழைந்து பொய்யையும், கடவுள் தன்மையற்ற வெறுப்பையும், பகைமையையும், உபதேசிப்பதைக் கண்டு வேதனைப்படுகிறேன். சாதி, மதம், இனம் இவற்றின் பெயரால் நமது மைசூர் அரசின் ஆளுகையில் உள்ள எவரையும் வேறுபடுத்திப் பார்ப்பதையும், ஒதுக்குவதையும் நான் சட்டவிரோதமானது என அறிவிக்கிறேன்.”
காலத்தால் அழிக்க முடியாத இந்த அறிவிப்பை திப்புவின் ஆட்சிக்காலத்திலிருந்த மக்கள் அனைவரின் நெஞ்சங்களிலும் கல்வெட்டாய்ப் பதிக்க முயற்சித்தார் திப்பு. திப்பு தன்னை ஒரு முழுமையான இஸ்லாமியராகவே வடிவமைத்துக் கொண்டார். அவர் சார்ந்த மதத்தில் முழு ஈடுபாடு கொண்டவராக விளங்கினார். ஆனாலும் அவரது ஆட்சியில் இந்துக்களுக்கு சுதந்திரமான முழு வழிபாட்டு உரிமைகள் இருந்தன. அவரது ஆட்சி அதிகாரத்தில் இந்துக்கள் பலர் மிகவும் உயர்மட்டப் பதவிகளில் இருந்தனர். தவறு நடக்கும் போது இஸ்லாமியர் என்பதற்காக திப்பு என்றுமே தனிச் சலுகை வழங்கியதில்லை. இந்துக் கோயில்களுக்கு மானியங்களை அள்ளி அள்ளி வழங்கினார் திப்பு.

சிருங்கேரி மடத்தை மராட்டிய மன்னர்களின் வெறிகொண்ட தாக்குதலிலிருந்து காப்பாற்றியவர் திப்பு. மத விவகாரங்களை முறையாகக் கவனிப்பதற்கென்று தனி அமைச்சகத்தை ஏற்படுத்தி நல்லிணக்கத்தை கண்ணின் கருமணிபோல் காப்பாற்றினார். மைசூர் நாட்டில் நஞ்சன்கூடு பகுதியில் பிரசித்தி பெற்ற நஞ்சுண்டேஸ்வரர் கோயில் உள்ளது. இந்த ஆலயத்திற்கு திப்பு வழங்கிய ‘மரகதலிங்கம்’ முக்கியத்துவம் பெற்றதாகும். ஒன்பதரை அங்குலம் உயரமுள்ள பச்சை வண்ண மரகதலிங்கம் இப்போதும் கோயிலில் பார்வதி சிலைகுப் பக்கத்தில் உள்ளது. இன்றளவும் இந்த லிங்கம் பார்வதியுடன் சேர்த்து பரவசத்தோடு மக்களால் வழிபடப்படுகிறது. திப்பு வழங்கிய இந்த அரிய மரகதலிங்கத்தை ‘பாதுஷா லிங்கம்’ என்றே அழைக்கின்றனர்.

திப்புவின் மலபார் படையெடுப்பின்போது குருவாயூர் கைப்பாற்றப்பட்டது. அங்குள்ள புகழ்மிக்க கிருஷ்ணன் கோயிலில் பூஜை செய்யும் அர்ச்சகர்கள்,திப்புவின் படை முற்றுகையிட்டுவிட்டதால் கோயிலுக்கு சேதம் ஏற்பட்டு விடுமோ என்று அஞ்சினர். அவசர அவசரமாக கருவறையில் இருந்த கிருஷ்ணன் சிலையை அப்புறப்படுத்தி வேறு ஒரு மறைவான இடத்தில் கொண்டுபோய் வைத்தனர். இந்தச் செய்தியறிந்த திப்பு, அர்ச்சகர்கள் அனைவரையும் அழைத்து, தைரியம் கூறியதுடன், தாமே முன்னின்று, மீண்டும் கருவறையில் இருந்த இடத்திலேயே அச்சிலையை ‘பிரதிஷ்டை’ செய்து, தானும் மகிழ்ந்து அனைவரையும் மகிழ்வித்தார். அத்துடன் குருவாயூர் வட்டத்தில் வசூலாகும் வரிப்பணம் முழுவதும் கிருஷ்ணன் கோயிலுக்கே அர்ப்பணம் செய்தார். திப்பு ஆட்சியின் தலைநகரமாக விளங்கிய சீரங்கப்பட்டணத்தில் சீரங்கநாதர் கோயில் உள்ளது. “அரண்மனை அருகிலேயே அமைந்த இக்கோயிலின் மீது திப்புவுக்குத்தனி ஈடுபாடு இருந்தது. இக்கோயிலுக்கு திப்பு வழங்கிய பல வழிபாட்டுப் பொருள்கள் இன்றும் அவர் பெயரைத் தாங்கியபடி அக்கோயிலில் உள்ளன.

தனது கொள்கையறிவிப்பால் மட்டுமல்லாது நடைமுறையில் ஆட்சியிலும், தனிப்பட்ட வாழ்விலும் இத்தகைய மக்கள் சார்ந்த கொள்கைகளைப் பின்பற்றியவர் திப்பு. “இறைவனின் தோட்டத்து மலர்கள் பலநிறம் கொண்டவை. அவை அன்பு எனும் தேன் நிறைந்தவை. அதுபோலவே மதங்களும் அன்பை வளர்க்கும் பல நெறிகளாகும்” என்கின்ற குரானின் வாசகத்தை பிறழாமல் உணர்ந்து பின்பற்றியவர் திப்பு சுல்தான் என்று இஸ்லாமிய அறிஞர்களே பாராட்டி இருக்கின்றனர். மதத்தையும் அரசியலையும் கலக்காத மாசற்ற மன்னராகத் திகழ்ந்தவர் திப்பு சுல்தான்.

வியாழன், 4 ஜூன், 2015

காட்டுக்குள் இழுத்து சென்று பாலியல் பலாத்காரம் செய்யும் கொடுமை: ரொஹிங்யா பெண்களின் பரிதாப வாழ்க்கை (வீடியோ இணைப்பு)



ரொஹிங்யா முஸ்லிம் பெண்களை கடத்தல்காரர்கள் பலாத்காரம் செய்வதாக பல அதிர்ச்சி தகவல்கள் வெளியாகியுள்ளது.

புத்த மதத்தினரைப் பெரும்பான்மையாகக் கொண்ட மியான்மரில், ரொஹிங்யா முஸ்லிம்கள் மீது அண்மைக் காலமாக தாக்குதல்கள் நிகழ்ந்து வருகின்றன.

இந்த தாக்குதலுக்கு பயந்து ரொஹிங்யா முஸ்லிம்கள், மலேசியா இந்தோனேஷியா மற்றும் தாய்லாந்து ஆகிய நாடுகளுக்கு ஆதரவு கோரி  செல்கின்றனர்.

ஆதரவு கோரி செல்லும் இவர்கள் பயணிக்கும் வழியிலேயே, பசியாலும் பட்டியாலும் செத்துமடிவதாக தகவல்கள் தெரிவிக்கின்றன, சமீபத்தில் மலேசிய எல்லைப்பகுதியில் 139 கல்லறை தளங்களும், 28 கடத்தல் முகாம்களும் கண்டுபிடிக்கப்பட்டது.

அந்த கல்லறை தளங்களில் 100-க்கும் மேற்பட்ட எலும்புக்கூடுகள் கண்டெடுக்கப்பட்டதால் பெரும் அதிர்ச்சி ஏற்பட்டது.

இந்த எலும்புக்கூடுகள் கடத்தல்காரர்களால் கடத்தி வரப்பட்ட, ரொஹிங்யா முஸ்லிம் மக்களுடையதாக இருக்கலாம் என சந்தேகிப்பதாக மலேசிய உள்துறை மந்திரி அகமது ஷாகித் ஹமிதுவும் கூறியிருந்தார்.

இந்நிலையில் அடைக்கலம் தேடி வந்த ரொஹிங்யா முஸ்லிம் பெண்களை கடத்தல் கும்பல் பாலியல் பலாத்காரம் செய்ததாக தற்போது தகவல் வெளியாகியுள்ளது.

தாய்லாந்து நாட்டின் படாங் பேசர் பகுதியில் உள்ள கடத்தல் முகாமில் இருந்து தப்பித்த நூர் கைதா அப்துல் சுகுர் என்ற பெண்மணி, இது குறித்து மலேசிய செய்தி ஊடகமான பெர்னாமாவுக்கு அளித்துள்ள பேட்டியில், ஒவ்வொரு நாள் இரவிலும் எங்கள் இனத்தை சேர்ந்த 2 அல்லது 3 இளம்பெண்களை காட்டுக்குள் இழுத்துச்சென்று கடத்தல்கும்பல் பாலியல் பலாத்காரம் செய்தனர்.

இதனால் இரு பெண்கள் கர்ப்பமடைந்துள்ளனர் என்று அவர் தெரிவித்துள்ளார்.

இதே போன்ற பாலியல் பலாத்கார சம்பவங்கள் மலேசிய பகுதியிலும் நடைபெற்றதாக சுகுரின் கணவரான நூருல் அமின் நோபி ஹுசைனும் கூறியுள்ளார்.


சனி, 2 ஆகஸ்ட், 2014

கல்நெஞ்சக்காரர்களையும் கண்ணீர் விட வைக்கிறது இஸ்ரேலிய அரக்கத்தனம்....



இதுவரை ஜஸ்ட் வேடிக்கை மட்டுமே பார்த்து வந்த சொரணை அற்றவர்களை எல்லாம் மனிதர்களாக மாற்றி வருகிறது இஸ்ரேலிய பயங்கரவாதம்....

கண்ணை மூடிக்கொண்ட கல்நெஞ்சக்காரர்களையும் கண்ணீர் விட வைக்கிறது இஸ்ரேலிய அரக்கத்தனம்....

இதயம் சீலிடப்பட்டவர்களை கூட... "இந்த அளவுக்கு கொடூரர்களா இந்த சிநோயிஸ்டுகள்" என்று சிந்திக்க கசிந்துருக வைக்கிறது இஸ்ரேலிய கோரதாண்டவம்.....

இப்போதுதான்... உலகில் கொஞ்சம் கொஞ்சமாக மனிதம் உள்ள மனிதர்களை பற்றியும் கூட நியூஸ் போடுகிறது உலக ஊடகங்கள்..!

இஸ்ரேலின் கொடூரத் தாக்குதலில் குழந்தைகள் அநியாயமாக உயிரிழந்த சம்பவம் குறித்து கருத்துத் தெரிவித்தபோது... ஐ.நா. மறு சீரமைப்பு மற்றும் நிவாரண முகமையின் செய்தித் தொடர்பாளர் கிறிஸ் கின்னஸ், டிவியிலேயே கண்ணீர் விட்டு அழுதார்.

இந்த மனிதநேயத்துக்கு கு கண்டனம் தெரிவித்த இஸ்ரேல்...
இவரை உடனடியாக பதவியில் இருந்து தூக்கும் படி ஐநாவிடம் சொல்லி இருப்பதை கூட "தவறு" மெல்ல சொல்ல துணிந்து விட்டன மீடியாக்கள்..................



Source- Mohamed Ashik-Facebook
‪#Mohamedharis

காஸா மக்களுக்காக இப்படியும் போரடலாம்...வீடியோ




காஸா மக்களுக்காக இப்படியும் போரடலாம்
காஸாவுக்கு சென்று ரோக்கட் ஏந்தி தான் போராட வேண்டும் என்றில்லை.
இறைவன் உங்களுக்கென்றே ஒரு தனிதத்துவமான
திறமையை தந்திருப்பான் அதனை வைத்து போராடுங்கள்...
Source- Samaher Tiba@Facebook
‪#Mohamedharis

”ஆறாம் நூற்றாண்டு காலத்து திருக்குர்ஆன்”



முஹம்மது நபி(ஸல்) அவர்களின் மருமகனாரும், இஸ்லாமியர்களின்
மூன்றாம் கலிஃபாவுமான உதுமான்(ரலி) அவர்கள் பயன்படுத்திய ஆறாம் நூற்றாண்டு காலத்து திருக்குர்ஆன் இஸ்தான்புல் நாட்டின்..
டோப்கபி அரண்மனையில் காட்சிப்படுத்தப்பட்டுள்ளது.

Source- Maalaimalar
‪#MohamedHaris

காஸா தென்மேற்கு ஜெனின் யபாத் கிராமத்தில் இஸ்ரேலிய தாக்குதல்



காஸா தென்மேற்கு ஜெனின் பகுதியில் உள்ள யபாத் கிராமத்தில் இஸ்ரேலிய தாக்குதலில் இருவர் காயம்.
Two injured during clashes with Israeli troops after storming
into ya'bad village, southwest of Jenin.

Source- Quds News
‪#‎JournalisticviewAbusheikMuhammed‬

மீண்டும் ஓர் "நில்லாடிய நிலமெங்கே.. சொல்லாடிய அவை எங்கே ...,காசா"



இரண்டாம் உலகப் போரில் ஹிட்லரின் இனப் படுகொலை வெறிக்கு பலியான யூதர்கள் ஜெர்மனியை விட்டு ஓடினார்கள் .,

அமேரிக்கா , பிரிட்டன், பிரான்சு போன்ற நாடுகள் அடைக்கலாம் தர மறுத்தன., ஆனால் யூதர்களைப் பாதுகாப்பாக கப்பலில் ஜெர்மனியில் இருந்து மீட்டன .,

அப்போது அனாதைகளாய் நின்ற யூதர்கள் அடைக்கலம் கேட்டு கெஞ்சியபோது எந்த நாடும் அடைக்கலம் கொடுக்க முன்வரவில்லை .,

பலாச்தின முஸ்லிம்கள் அடைக்கலம் கொடுத்தார்கள் ., தங்கள் உணவு ,உடை உறைவிடம் போன்றவற்றை பகிர்ந்து கொண்டார்கள் ., பின்னர் அமெரிக்கா, பிரிட்டன், பிரான்சு நாடுகள் யூதர்களை ராணுவம் அமைக்கவும் நாடு பிரிக்கவும் தூண்டின ., ஆயுதபலமும் ., இராணுவபலமும் கொடுக்கப் பட்டன ., பாலஸ்தினத்தின் இதயத்தில் உதிரத்தால் ஒரு கோடு.., பலஸ்தீன இரண்டாக பிளக்கப் பட்டு யூதர்கலுக்கு இஸ்ரேல் முஸ்லிம்களுக்கு எஞ்சிய பலஸ்தீன என உருவானது .,

அடைக்கலம் கொடுத்ததற்க்கு பெரும் இழப்பை சந்தித்த பாலஸ்தினிய முஸ்லிம்கள் இன்று உயிர் இழப்புகளையும் சந்திக்கின்றனர் .,அகதிகளாய் வந்த யூதர்கள் ஏகாதிபத்திய இனப் படுகொலைகளை வெற்றிகரமாக நடத்திக் கொண்டிருக்கிறார்கள் .,

இலங்கையைப் போல் மீண்டும் ஓர் நில்லாடிய நிலமெங்கே ???

#இன்னும் சிலர் தங்கள் மத வெறியை கொட்டி தீர்க்க மனித நேயம் தொலைத்தவர்களாய் .., இந்தப் படு கொலையை நியாயப் படுத்திக் கொண்டு ., !!!!கண்ணாடி முன் நின்று "நாம் மனிதர்கள் தானா ??"கேட்டுப் பார்க்கிறேன்.,


- உள்ளதை சொல்கிறேன் ராஜ்குமார்'

செவ்வாய், 19 மார்ச், 2013

நம் தேசிய கொடியை வடிவமைத்த இஸ்லாமிய பெண்!!‏

http://www.iaslic1955.org/images/n_flag.jpg

இன்றைய நாளில் ஒரு முக்கியமான ஓர் இந்திய வரலாறையும், அதில் பங்காற்றிய ஒரு பெண்மணியையும் நியாகப்படுத்தவே இப்பதிவு.

நாம் இப்போது உபயோகிக்கும் இந்திய நாட்டின் தேசிய கொடியை, சரியான நீள அகலத்தில், சரியான வண்ணத்தில் ஓவியமாக ஒரு துணியில் வரைந்து, தனது கணவரிடம் தந்து, அதை அவர் காந்திஜியிடம் காட்ட, அண்ணல் அதற்கு இசைவளிக்க, அப்படியாக... 1947 ஜூலை 17 அன்று பிறந்ததுதான் நமது இந்திய தேசிய கொடி..!

வடிவமைத்த அந்த ஓவிய பெண்மணியின் பெயர் ஸுரியா தியாப்ஜி.

ஐடியா தந்த அவரின் கணவரின் பெயர் பத்ருதீன் தியாப்ஜி.

( பலரும் தவறாக நினைத்துக்கொண்டு இருப்பது போல... அல்லது வேண்டுமென்றே வரலாற்றை திரித்து தவறாக பரப்பப்படுவது போல... இந்திய தேசிய கொடியை வடிவமைத்தது பிங்காலி வெங்கையா அல்ல..! அல்லவே அல்ல..! )

இந்த பத்ருதீன் தியாப்ஜிதான்... இந்திய தேசிய காங்கிரசை நிறுவியவர்களில் முக்கியமான முதல் ஐவரில் ஒருவரின் பேரன்..!

அந்த ஐவரில் மீதி நான்கு பேரை பள்ளி வரலாற்றில் படித்து இருப்பீர்கள். ஆலன் அக்டேவியன் ஹியூம், வில்லியம் வெட்டர்பன், ஒமேஷ் சந்திர பானர்ஜி, தாதாபாய் நவ்ரோஜி ஆகிய நால்வரை அடுத்த பெயர்தான்... முல்லா தியாப் அலியின் மகன் பாரிஸ்டர்.பத்ருதீன் தியாப்ஜி..! (காலம் : 1844 – 1906)
https://blogger.googleusercontent.com/img/b/R29vZ2xl/AVvXsEhlftgNwHq6TjYC68Isd7zymcxYOhZGmUR4FDdcz4Utm0PT9e0dGqGyrSD6EGHsqo12Qaw3Ssl0WuOKnVTJw76NyHTmXHlR6Htom7XKxmFekmztKrbmyv2r56YuPiYBkSwa_U3fKTjdLpU/s1600/Tyabji.jpg
சர். ஆலன் அக்டேவியன் ஹியூம், சர்.வில்லியம் வெட்டர்பன் போன்ற ஆங்கிலேயர்களால், மெத்தப்படித்த இந்தியர்களை அழைத்து, 1885 இல், INC துவக்கப்பட்டது. நோக்கம், பிரிட்டிஷ் அரசுடன் எந்த பிரச்சினை ஆனாலும் சுமுக பேச்சுவார்த்தைக்காக வேண்டி. அதன் முதல் தலைவர்...W.C.பானர்ஜி.

1886 இல், இ.தே.கா. இன் இரண்டாம் தலைவர் பாரிஸ்டர். D. நவ்ரோஜி. அடுத்த வருடம், 1887 இல் தலைவரானவர்தான் பாரிஸ்டர். பத்ருதீன் தியாப்ஜி.

இவர்தான் பிரிட்டிஷ் இந்தியாவின் முதல் இந்திய பாரிஸ்டர். (1867)
பின்னர் பிரிட்டிஷ் இந்தியாவின் முதல் இந்திய சீஃப் ஜஸ்டிஸ். (1902)
இவரின் மகன்தான் பிரிட்டிஷ் இந்தியாவின் முதல் முஸ்லிம் பொறியாளர்.
இவரின் மகளோ முதலில் வெளிநாடு சென்று படித்து வந்த டாக்டர்.

அவரின் பேரன்தான்.... நாம் முதலில் பார்த்தவர்... அவரின் பெயரும் தாத்தாவின் பெயரேதான்..! பத்ருதீன் தியாப்ஜி..!

பிப்ரவரி - 20, 1947 : ஆளும் அதிகாரத்தை இந்தியர்களுக்கு விட்டுவிடப் போவதாக இங்கிலாந்து பிரதமர் கிளிமென்ட் அட்லீ அதிகாரபூர்வமாக அறிவிக்கிறார்.

ஜூன் 3, 1947 : வைஸ்ராய் மவுன்ட் பேட்டன், பாகிஸ்தான் - இந்தியா என்று இரு நாடுகளாக பிரிப்பது பற்றிய தனது திட்டத்தை காங்கிரஸ் & முஸ்லிம் லீக் கட்சிகளிடம் சொல்கிறார். ஆகஸ்ட் 15 ஆட்சி மாற்றம் நடைபெறப் போவதாகவும் குறித்து தெரிவிக்கிறார்.

அத்துடன், வைஸ்ராய் மவுன்ட் பேட்டன், இந்தியா & பாகிஸ்தான் ஆகிய இரு நாட்டின் கொடிகளிலும், தங்கள் பிரிட்டிஷ் நாட்டின் சின்னமான யூனியன் ஜாக்கை (நீள பின்புலத்தில் சிகப்பு வெள்ளையில், ஒரு பெருக்கல் குறி மீது ஒரு கூட்டல் குறி) தத்தம் கொடியின் மூலையில், பத்தில் ஒரு பங்கு அளவில் வைக்குமாறு கோரிக்கை விடுக்கிறார். ( ஆஸ்திரேலியா, நியூசிலாந்து கொடிகளில் தற்போது உள்ளது போல...! )

இதனால், கடுப்பாகிப்போன இருவரும், தங்களுக்கான தனித்துவ கொடி வடிவமைப்பில் முழுமூச்சாக இறங்குகின்றனர். முக்கியமாக அந்த பிரிட்டிஷ் கொடியின் 'யூனியன் ஜாக்' இருக்கவே கூடாது என்று முடிவெடுத்தவர்களாக..!

ஜூன் 23 1947 : கொடி வடிவமைக்க ஒரு அட்ஹாக் கமிட்டி அமைக்கப்படுகிறது. ( Ad-hoc Committee; Dr. Rajendra Prasad (Chairman), Abul Kalam Azad, C. Rajagopalachari, Sarojini Naidu, K. M. Pannikkar, K. M. Munshi, B. R. Ambedkar, S. N. Gupta, Frank Anthony and Sardar Ujjal Singh)

முன்னர், 1916 இல் பிங்காலி வெங்கையாவால் வடிவமைக்கப்பட்ட, சுதந்திரம் வாங்க போராடிய "இந்திய தேசிய காங்கிரஸ் கொடியே நம் நாட்டின் தேசிய கொடி" என்ற வாதம் வலுப்பெறுகிறது..!

https://blogger.googleusercontent.com/img/b/R29vZ2xl/AVvXsEilrur8S_L3BzKzpafljEbrGGS1XN61oA2_XyaZPfPqaN8X9uZ13rrcCXGQSGPdv2-KK54wswxHs00sN4gcS67ToZVxP63Ggq5UovKGN0ZMfyNV7GlcBE5__1vuCXdpBuGgyJrdpFoCjBc/s1600/pingali+stamp+canc.jpg

மேலே உள்ள இந்திய அரசின் தபால் தலையில் இவர் வடிமைத்த கொடி எவை எவை என்று மிகவும் தெளிவாகவே உள்ளது..!கவனியுங்கள் சாகோஸ்..!

இந்நிலையில், மும்பையில் இருந்து டெல்லிக்கு ஆர்.எஸ்.எஸ். இன் சாவர்கர், முக்கிய காங்கிரஸ் தலைவர்களுக்கு இப்படி ஒரு அவரசர தந்தி அடிக்கிறார். அதில், கொடி முழுக்க காவி நிறம் இருக்க வேண்டும் என்றும்(?!) இராட்டை இடம்பெறவே கூடாது என்றும்(?) வேறு எந்த சின்னமும் இருக்கலாம்(!) என்றும் கூறி..!

வேறு சிலர், புலிச்சின்னம் உள்ள நேதாஜி ஏற்றிய கொடிதான் வேண்டும் என்கின்றனர். இப்படியாக ஆளாளுக்கு ஒரு கருத்து சொல்லிக்கொண்டு இருக்க, அனைத்து கருத்துக்களையும் அமைதியாக கேட்டு வைக்கிறது அட்ஹாக் கமிட்டி.

இப்போதுதான், முதல் பத்தியில் நாம் பார்த்த பத்ருதீன் தியாப்ஜி, சீனில் என்ட்ரி ஆகிறார்..! அவர், கமிட்டி தலைவர் டாக்டர் பாபு ராஜேந்திர பிரசாத்தை சந்தித்து, அவரின் தேசிய கொடியின் மாதிரியை சொல்கிறார். தலைவருக்கு இது பிடித்து விடவே, அதற்கு காந்திஜியின் ஒப்புதலையும் பெற்று வருமாறு அனுப்பி வைக்கிகிறார். காந்திஜியிடம், ராட்டைக்கு பதில் அசோக சக்கரம் மாற்றப்படுவதற்கு காரணத்தை இப்படி சொல்கிறார், பத்ருதீன் தியாப்ஜி.
https://blogger.googleusercontent.com/img/b/R29vZ2xl/AVvXsEg9YFKv8X60wjv8LKk6HBNh4wEiVTeEfxiQCY2-pStZRtRP6paunldbs4YAW1Ia_hxUYTDKviv1b7NPydX76A3tmp3lxmI8OzojcvDrmIAxDNgbg9rkvR-8n5PHe-U1xxuaHNn1gdEphGM/s1600/national+flag.PNG
அதாவது, "கிடைமட்டமான சம அளவு மூவர்ணம் கொண்ட இந்திய தேசிய கொடியின் இருபக்கத்தில் இருந்து அதை பார்த்தாலும், இடம் வலம் மாறாமல் கொடி அதே போலவே தெரியவேண்டும். இதற்கு அசோக சக்கரம்தான் சரியாக வரும். இந்திய தேசிய கொடியின் 'இராட்டை' சரியாக வராது" என்றார்..!

கூர்ந்து கேட்டுவிட்டு இதனை, ஏற்றுக்கொண்ட காந்திஜி, அவரையே உடனே ஒரு 'மாதிரி கொடி' தயார் செய்து கொண்டு வந்து காட்டுமாறு கூறுகிறார்.

மூன்று அளவு நீளமும், இரண்டு அளவு அகலமும் கொண்ட காதி கைத்தறி துணி ஒன்றை வாங்கிக்கொண்டு போய், தனது மனைவி ஸுரியாவிடம் தருகிறார். அவர் ஒரு கைதேர்த்த வண்ணத்தூரிகையாளர்.

கிடைத்த வாய்ப்பை கச்சிதமாக பயன்படுத்திய அந்த அம்மையார், சிகப்பு+மஞ்சள் கலந்து காவி மேலேயும், கரும்பச்சையை கீழேயும், நடுவில் வெள்ளையில் கரு நீல வண்ணத்தில் 24 கால்கள் கொண்ட அசோக சக்கரமும் மிக எழிலாக வரைந்து தருகிறார்.

தியாப்ஜி அதை கொண்டு போய் காந்திஜியிடம் காண்பிக்க, அதற்கு காந்திஜி இன்முகத்துடன் ஒப்புதல் தந்து அட்ஹாக் கமிட்டிக்கு அனுப்ப, அந்த 'கொடி வடிவமைப்பு கமிட்டி' அதையே சுதந்திர இந்தியாவின் தேசிய கொடியாக அறிவிக்கிறது... ஜூலை 17, 1947 அன்று அதிகாரபூர்வமாக..!

உலக மகளிர் தினத்தில் மட்டுமின்றி, இந்திய தேசிய கொடி பறந்து கொண்டிருக்கும் 365 தினங்களிலும் தேசிய கொடியை வடிவமைத்த அப்பெண்மணிக்கு, கோடி கரங்கள் தடுத்து மறைத்தாலும் வரலாற்றில் தக்க இடம் நிச்சயமாக உண்டு..!

வெள்ளி, 1 மார்ச், 2013

மறைக்கப்பட்ட தியாக வரலாறுகள்...!



அன்பு சஹோதரர்களே !

இன்று இந்தியாவின் பிரச்சனைக்குரியவர்கள் என்ற பட்டத்தை சுமந்து கொண்டு வாழும் இந்த இஸ்லாமிய சமுதாயம் செய்த எண்ணற்ற தியாக வரலாறுகள் மறைக்கப்பட்டு உள்ளன...

வரலாற்றில் நடந்த இருட்டடிப்பை ஒவ்வொன்றாய் வெளிச்சமாக்குவோம் இன்ஷா அல்லாஹ். மகாத்மா காந்தி அவர்களுக்கு எண்ணற்ற பொருளுதவி செய்த குஜராத்திய முஸ்லிம்கள் காந்தியின் அகிம்சை வழி போராட்டத்திற்கு மட்டும் உதவவில்லை..

ஜூலை 9, 1944 அன்று நேதாஜி சுபாஸ் சந்திரபோஸ் இந்திய தேசிய ராணுவம் ஆரம்பித்த உடன் அவருக்கு பொருளாதார உதவி அளித்து அவரை ஊக்குவித்த முதல் இந்தியன் ஒரு இஸ்லாமியன் என்பதை நினைவில் கொள்ளுங்கள்..

குஜராத்தில் உள்ள தோராஜி என்ற நகரத்தில் வாழ்ந்த "மேமன் அப்துல் ஹபீப் யூசப் மர்பாணி " என்னும் மாபெரும் வள்ளல் அவர்கள் நேதாஜி சுபாஸ் சந்திரபோஸ் ஆரம்பித்த "இந்திய தேசிய ராணுவத்திற்கு " ஒரு கோடி ரூபாயை நிதியாக அளித்து உதவியுள்ளார்.

அதற்கு நன்றி தெரிவிக்கும் முகமாய் நேதாஜி அவர்கள் ஹபீப் யூசப் மர்பாணி வர்களுக்கு சேவக் இ ஹிந்த் என்ற பட்டத்தை அளித்து கவுரவித்து உள்ளார் என வரலாற்று ஆசிரியர் சிட்டல்வாளா என்பவர் பதிவு செய்துவைத்திருக்கிறார் ..

பல வரலாற்று புத்தகங்கள் மர்பானி அவர்களை படம்பிடித்து வைத்துள்ளது .
வரலாற்று ஆசிரியர் ராஜ் மால் கஸ்லிவால் என்பவர் Netaji, Azad Hind Fauz, and after என்ற தனது புத்தகத்தில் சொல்கிறார் நேதாஜியிடம் ஒருகோடி மதிப்புள்ள பணம் நகைகளை மார்பாணி அவர்கள் கொடுத்த வேளையில் நேதாஜி அவர்கள் மெய் சிலிர்த்து சஹோதரர்களே! மக்கள் தங்கள் கடமைகளை உணர்ந்துள்ளனர் ..தியாகங்கள் செய்ய முன்வருகின்றனர்..மர்பானி செய்த தியாகம் அளப்பரியது..அவர் இந்திய திருநாட்டுக்காக செய்த தியாகம் விலைமதிப்பற்றது என புகழ்கிறார்..

இப்படி வரலாற்றில் எண்ணற்ற உயிர் பொருள் தியாகங்கள் இஸ்லாமியர்களுடையது....

எந்த இஸ்லாமியர்களின் தேசபற்றை கேள்விக்குரியாக்குகிரீர்களோ அப்படிப்பட்ட இஸ்லாமியர்கள் செய்த எண்ணற்ற தியாகங்கள் ஒவ்வொன்றாய் வெளிச்சமாக்குவோம்... இறைவனின் அருளால்...
ஆதாரம் டைம்ஸ் ஆப் இந்தியா Jul 14, 2012,

இன்றைய சித்திரம்

இன்றைய சித்திரம்